លោកជំទាវ ឃួន ឃុនឌី សមាជិកាគណៈកម្មការទី៥ ព្រឹទ្ធសភា និងជាសមាជិកាព្រឹទ្ធសភាប្រចាំភូមិភាគទី៨ អញ្ជើញចុះជួបសំណេះសំណាលជាមួយលោកប្រធានមន្ទីរពេទ្យបង្អែកបារាយណ៍ សន្ទុក
នាព្រឹកថ្ងៃទី០៦ ខែមេសា ឆ្នាំ២០២៣ លោកជំទាវ ឃួន ឃុនឌី សមាជិកាគណៈកម្មការទី៥ ព្រឹទ្ធសភា និងជាសមាជិកាព្រឹទ្ធសភាប្រចាំភូមិភាគ៨ និងលោកជំទាវ លឹម ផល្លា តំណាងរាស្ត្រមណ្ឌលកំពង់ធំ បានអញ្ជើញជាអធិបតីក្នុងពិធីជួបសំណេះសំណាលជាមួយលោកប្រធានមន្ទីរពេទ្យ លោកគ្រូពេទ្យ អ្នកគ្រូពេទ្យ នៅមន្ទីពេទ្យបង្អែកបារាយណ៍ សន្ទុក ក្នុងឱកាសនៃពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំថោះ ចត្វាស័ក ព.ស.២៥៦៦ ដែលនឹងជិតឈានចូលមកដល់នៅថ្ងៃសុក្រ ទី១៤ ខែមេសា ឆ្នាំ២០២៣ នាពេលខាងមុខ។ ក្នុងពិធីសំណេះ សំណាលនោះ លោកជំទាវបានឧបត្ថម្ភក្នុង១នាក់ៗទទួលបានក្រមា១ និងសារ៉ុង១ សរុបចំនួនចំនួនក្រមានិងសារ៉ុង២២០ នៅមន្ទីរពេទ្យបង្អែកបារាយណ៍ សន្ទុក ឃុំកំពង់ថ្ម ស្រុកបារាយណ៍ ខេត្តកំពង់ធំ។
